Klangenan Ibu
Manuk emprit mabur
jinjit
Engklek ing godhong
pring kang wis ngumur
Tembange sesauran karo
krerete awak pring
Esuk rak krasa mlaku
awan
Awan rak krasa mlaku
sore
Wayangan urip cetha ing
sawangan
Yen surya wis ana ing
kulon kaya saiki
Wedang teh buket lan
gula jawa wis dicepakake
Klangenane panjenengan
Biasane...
Awaku ndeprok ing
lemah, reged
Meja ing sisih kiwaku
wis ana isine
Wedang teh lan gula
jawa kang esih kumebul
Lamuk wis saya ireng
Onine emprit wis ora
keprungu maneh
Grerite awak pring wis
genten karo orong-orong
Bu.. yen wingi aku wis
resik
Wis nyepakake teh lan
gula
Saiki aku esih ndeprok
ing lemah reged
Meja wis ana isine bu
Wedang teh lan gula
jawa kang wis adhem
Ora ana sing nyenggol
Peteng sansaya ndhedhet
Angin bengi sumribit
gawe awak ndredeg marang kasunyatan
Wingi esih gurisan
Saiki aku dhewekan
“Bu, panjenengan sampun
kondur to?”
