GEGURITAN

Wis Wayahe

Wis dadi kudune...

Sore sing sedhela maneh dadi wengi

Dadi peteng

Wis dadi dalane mesthine

Ambekan anget dadi adhem

Jantung sing dag dig dug

Dadi ora krasa maneh dag dig dug

Wis dadi dalane Nduk

Bocah plala plolo mandeng biyunge slonjor

Adem awake, merem matane

Wis dadi pesthine Nduk

Bocah bingung, lambe nutup ora kumecap

Wis dadi takdire Nduk

Bocah mbrambang eling kahanan

Wis dadi wektune Nduk

Aja nangis...